بدگمانیوں سے بچیں
حضرت ابوہریرہ رضی اللہ تعالیٰ عنہ فرماتے ہیں کہ رسول پاکﷺ نے فرمایا کہ اپنے آپ کو بدگمانیوں سے بچائو اس لئے کہ بدگمانی سے جو بات کی جائے وہ سب سے زیادہ جھوٹی ہوتی ہے اور دوسرو ںکے معاملات میں معلومات مت حاصل کرتے پھرو اور ٹوہ میں مت لگو اور نہ آپس میں تکرار کرو اور نہ ایک دوسرے سے بغض رکھو اور نہ ایک دوسرے کی کاٹ میں لگو اور اللہ کے بندے بنو اور آپس میں بھائی بھائی بن کر زندگی گزارو۔ (بخاری مسلم)
دوسروں کے لیے آسانیاں پیدا کریں
حضرت ابوہریرہ رضی اللہ تعالیٰ عنہ سے روایت ہے کہ ایک دیہاتی نے مسجد میں پیشاب کردیا تو صحابہؓ اس پر خفا ہونے لگے۔ حضورﷺ نے فرمایا: ’’اس کو چھوڑ دو اور اس کے پیشاب پر پانی کا ایک بڑا ڈول بہادو اور تم سختی کے لیے نہیں بھیجے گئے ہو۔ اس لیے بھیجے گئے ہو کہ آسانی پیدا کرو۔ (بخاری)